March 14, 2022

khepeng de hin khipeng Sabo sabo saiman?

Kokrubai & Kokbwkhal ,
khepeng de hin khipeng Sabo sabo saiman?

Chini tiprasa rogni kaisa manwi komor thangka, tabuk ni cherai rog saimanliya. Fiyaba bisi30 umor ni sikwla sikili rog le kisa kissa muitu tongbaina. Jefru kami amchai rogo tabukni hai toilet/letrin krwikho, khimaNok tanglaina chol krwikho, afru tiprasa rog bolongo habwi khilaio, eba kisa koton wngdrop jabra bwlwngo habwi khilaio. khibai khe twisa naitugwi kisa him thango, ulo khe twio achugwi ekdom aramkhai khikrok suo. Sabo sabo abo experience khaika sabaidi comment khaiywi. 😀😂😀😀😀😀

Fiyaba tini ni main topic le aboya.. 


topic hwngke hai se,---  khibai akonbai khikrok suna swkang kaisa "machine" use khaio tiprasa rog. Sai de man abo tamo?. kami o tongnai tiprasarog hwngke sai mankhwna ang tamoni kok sana nai tong... yess.. abo wngkha "khepeng" baksaba hino "khipeng". Tabuk ni towno tongnai cherai rog, tei Kami ni cherai rog letrino khinai rog le sai de manbai abo tamo manwi?

kok khe hai c,

Bolongo achugwi khibai akonbai khikrok suna bagwi twisa naitugwi him thangna fru kaisa problem belai khe wngo, abo wngkha.... khikhrogo khi kisa swrapjak tongma bagwi himtokya wngo, khi kepek swrapung swrapung wngo, tei abo kumfruba ri rogobo nang thango. Abo simiya, khikrok suna frubo yakbai khikorokni khi tangjaktwi wngo belai kepek sindil sa khe. Abo rog wngkha main problem. Abohai problem ni katina bagwino tiprasa rog "khepen" hinwi kaisa manwi use khaio. Khepeng use khaimano hino "khepengo".

Haike abo tamo manwi? Bahaike khepeng? Bahaike use khlai? Abo wngkha ahai... abo wngkha kaisa wafisa, warechek 15-20 inch eba jesafano bufang bedek yasi kotoiswk kochosa sasui nahao. Bahaike khepeng hwngke... khibai akonbai khikrok suna swkang 15-20 inch ni ojon wafisa kaisa nawi khikrokni khi swrapjakno ah wafisa(khepeng)bai rogwi khibio. Fiya khibina swkang mokol bwskango tubui naisik naio 50% bororog. Tangwi? Setisfection ni bagwi? Tamni hinke.. mokol bai nukhai se saimano bwswk jotwi khi rokjaktwi wngkha? Abo nukhai se saimanani ble khikrokni khi bwswk jotwi clean wngkha.

Aboni yagulo hwngke twisa naitugwi him thangsinai khikrok suna bagwi. Khikrok ni khibo khepengwi khibi rihoka hwngke tei himtokyabo wngliya. Twio achugwi khikrok suna frubo tei khikrokni khi bofaisa yakbai tangjaktwi wngliya. Khikrok subai akoknbai khe aram khe ri kanwi him faisidi .. nogo kifil faisidi.. nok ni samung tangsidi.. kaam paikha.. tei mungsa problem krwikha. Haaahaaahaaa..

Teibo tongo naidi »
By at No comments:
Labels:

October 6, 2018

Nini Baba kubuida nini baba?

Nini Baba kubuida nini baba?
"Nini Baba Kubuida Nini Baba?"

Omohai question buphru phai saida man? Jephru kok phiroklaina nango, যুক্তি(argument), প্রমান rilaina nango, jephru ধর্ম(religion)ni kok salaina nango, aphru baksa bujiya bororog omohai question khaio-- "aswkai saiboda poito khai maya....? tei bwswk proman nangjak? Proman krwikhai poito khai maya haida? Nini babakhe kubuida nini baba wngkhwna? Aboni khe proman tongo haida? Nini ma nini baba bai thulaima nwng nukha haida? Nini ma buibai tongwi nwng achaiya hinwike 100% proman phunukda mano? Mokol baithang phunukda mano? Phiyaba nwng poito khai tongo nini baba hinwi. Haino ble? Hwngkai tangwi dormo/Bible/Mohavarot/Geeta/Quran rogkhe aswk poito khai maya wngkhasa?......"  etc etc.

Belaikhe khwnatok....... bahai hin norog le? Phiyaba sakai sajaktwi, omohai question rog belaikhe chaya. Tangwi saida man? Phaidi tabuk nailainai.

Puila kok khe Ahai, Ani babani proman tongo gilamano. Je tongma promanbai wngjakya hwngke D.N.A. testbo khlai nai mano 100% sure wngsukna bagwi. Phiyaba dormo/mwtai/kaitor/bible/geeta rognile omohai mungsaphano perfrct proman kwrwi. Proman naitukna hinbo DNA test hai kaham perfect lamabo mungsa phano kwrwi. Phiyaba ani baba ni le gilamano proman tongo. Romdi.....

 1). Ani babani mukhang tei ani mukhang, khorang rog, tongmung chamung rog onek sollaio. Cherai phangsini nugwi phaio omo simino ani baba hinwi, tei kebono sama khwnayako... ani baba tekubuni tongo hinwi. Phiyaba Dormo/bible/Geeta/Quran rogle atwiya, hasaka dormo kaisa kainwiya, gilamano tongo. Baksaba sao obosi kubui , baksaba sao oboya, abosi kubui. Baksaba sao Hindu kaham, Baksaba sao Christian kaham. Haike saimana nang ble bobo asol kubui. Abwino proman mana nangta, saimana bagwi... bobo asol kubui. Jotosi nijini dormo simisi kubui hin sao hwngke. Buini khe jotosi hamya  mangfu.

 Phiyaba ani baba le atwiya ble. Tabuksak jotwi kebono phano sama khwnayako---- "Ubosi nini baba", "Aboya nini baba", "Angsi nini baba", "Bo ya nini baba" hinwi. Fiyaba dormo/Bible/Geeta/Quran rogle atwiya. Dormo ni bagwi bwswksi tam wnglai tongbai ha sakao, bwswksi choba nangkha, bwswksi thwilai thanglai wngkha..! Tangwile atwi wngba? Proman kwrwi twtwi poito khailaima bagwi. Abono hino mwnak poito. Blind faith. অন্ধবিশ্বাস . 

 Do akon... 5_minit ni bagwi mani nahaka,, obo ani asol babaya,  thokai phano wngkhwna. Phiyaba ano puisai baba hinwito 100% proman wngjak ble. Cherai phangsini nugwi phaio, ano naikani khai tubunai ani baba. Phiyaba, Dormo/bible/geeta/Quran rogni le aswk phanosi proman kwrwi. Salai le tonglaio, mwtai/kaitor chwngno kaham_kwrwng tonio hinwi. Yangkhai aboni mungsapano promansi kwrwi. Salaile tonglaio, Chini Bebak yaphang hinwi.  Chwngno swnamnai ঈশ্বর/Kaitor hinwito proman kwrwino kwrwi, chwngno kahamkwrwng toninai hinwi phanosi kutam proman kwrwi. Soi tam hwngke poito khaidiphu, wngyakhai sumsok/পাপ nangnaiphu, ayangmasingo sasti manaiphu etc,,etc.

 Fiyaba ani baba ni le atwiya,  ano pusima simi phano 100% proman wngjak. Ano Hamjakma, ano maya khaima rogbo ekdom perfect. Haike tei tam problem tongba?  dormo/Mwtai/god/Kaitor rogni le aswk phanoda proman tong? ......... ...... Kwrwi. 
Haike dormo/Mwtai/God/kaitor/ rognoba bahaikai ani baba ni example bai compare khai tongkhaba? 

 Ani baba tatal hinwi kebo sanai tongkhai ang abo kahamkai buji nainai. Ang swngnai, tabukni ani baba tatal hwngke ano sadi bobo ani baba? Tam proman tong? Nini kok ni bwswk abidance/witness tong?  Aboni ulo proman mankhai ang mani nahanai ani baba hinwi. Fiyaba tabukni ani baba nobo ang khibi gwlak, Tangwi hwngke, Bo ano kubui hamjakma riui pusika. Ano kotokolok khaika. Haino bahan bwthwi ni bupha wngmabai simi bupha wngya niyada, aboto tei swbai sana nangya ble? Tabuk ni ani baba ano pusinai, ano hamjaknai baba hinwito 100% sure ble.

 2). Do akon, norog hin Phano mano, Aswk samabai 100% proman wngya. Nini ma buibai tongwi phano bwsa(nwng/ang) wng mano. Bui kebo nuknai kwrwikhata.? Haike nini ma atwi wngya hinwile tam geranty tongba? Nwng mokol baithangda naichom tongwikhaba afru?? etc etc.

 Kokhe haisi,
Ulo salsaswk aswkno problem wngwi thangkai afru ang D.N.A test khai nainai. Tabuksak jotwile abohai mungsa problem nukyakho, abwino ani baba kubuida kubuiya aboni D.N.A test bo khaina nangyakho.  Tangwi hwngke, Tabuk ni ani baba ano pusinai, ano hamjaknai hinwito 100% sure wngwino paigrakha. Tei aboni logi logi ani bahan bwthwini baba hinwibo ekdom proman kwrwiya ble, gilamaaaano.... proman ri mano. Romdi thasing samani, Ani babani mukhang tei ani mukhang, Bini khorang rog, tongmung chamung onek sollaio. Fiyaba dormo grontho rognile aswk phanosi proman kwrwi blasa?

 Do kokba norog hin phano mano, aswkbai nini baba 100% proman wngyakho hinwi. Phiyaba 99% jotwito sure wng man ble obo ani baba hinwi? Haike aswk proman tongwisi poito khaimani bahaike abo dormo/Mwtai/God/ roghai mwnak poito wng  manaiba? Kisa wansugwi naila kahamkai. 

 Norogni kokbaino manikha ang 5-minit ni bagwi, Ani baba ni proman 100% perfect ya, only 99% perfect hinwi.  Haike tabuk ano sadi... nini dormo/mwtai/God/kaitor/Bible/Mahahvarat rogni le aswk phanoda proman tong? Ang le ani baba ni 99% phano proman phunuk rikha. Nangkhai 100%bo proman ri mano, D.N.A test khaiywi. Phiyaba nwng le abohai proman rida mano? Mangwlak. Ha sakao tabuksak jotwi kebo mayakho. Soi tam hwngke poito khadiphu. Wngyakhai sumsok/পাপ nangnaiphu. Ayangmasingo Morkeo{নরক} kwlainaiphu; Sasti manaifu. Abohai kok rog saui sikirio, manirina bagwi. Tangwi hwngke, abohai kok rogni kutam proman kwrwi. 100% eba 99% promanto hakchal ni koksiko, only 9%de proman tong sidu. Kisa wansuk naibaidi bayap rog.

3). Tekaisa kok. Ani baba tatal hinwi kaisapano promanbo mayakho, salaimabo khwnayako. Phiyaba ধর্ম/Mahavarat/Bible rognile kwbangmano chaya tongo hinwi salaimabo nugo, promanbo rilaima nugo gilamano. For example, tabukni Science bai religious book rogni kok bwswksi khapiya mwnwikothok gilama aboto tei sanasi ojonya, abono twywi nangkhai ang tekaisa kokbwkhal swinai, oro aswk saliya tongsitu. Haike buji naisidi, religious book rogni proman todatong kwrwi. Proman kwrwi ni bagwino abohai khapiya kokrog salai tonglaio. Biyang biyang ulta "nini baba ni promanda ri mano?" "nini baba kubuida nini baba?" hairog biyang biyang nangnungya. Khakao, norog buji manbaikhna hinwi. Haike, paisugwi porima bagwi hambai. Tinini bagwi aswkno wngsitu. Kaham kwrwng tongbaidi, tei kahamkai wansukbaidi hinwi kok kwcharwi orono mwthaka. Paithakni yapharo khuluma tei Hambai.
Teibo tongo naidi »
By at 2 comments:

April 16, 2018

Sal-Atukiri rog tangwi wngkha?

Soisimung ni Hapar ,
Sal-Atukiri rog tangwi wngkha?
Nokha saka naisai naikhe nugo Sal Tal Athukiri rog. Chini bwkhao swngmung faio.. Sal tangwi aswk tung? Aro boroni pohor aswk kwchwng wng? Athukiri rog khe tamo manwi? Boroni faika abo? Kwbangma Dormo rog kwbangma kok sao. Fiyaba Tabuksak jotwi Scientist rog abono twywi sama kok hwngke ahai...



Oro photo kahamkai naidi buji mananw...
Nokhayungo kutam kwrwi bukcha hai nukfano kutam kwrwi bukcha hinsugwi maya, aro gilama ges, hydrogen, akorok belaikhe keseng khwlai kobonjak tongo. Tei Gravitation(মধ্যাকর্ষন) ni kokto kahamkaino khwnajak wngna hai matongo.

Teibo tongo naidi »
By at No comments:
Labels:

April 15, 2018

Chini Tokborok

Soisimung ni Hapar ,
Chini Tokborok

Hayung ni daledal TOkborok
Nogorima Tokborok Dalbidal tongo. Hayung gwnangwi Nogo nogo tok rilaio hinpano abohai tok rog kaisa tekaisa bai belaikhe juda juda, abo Oro photo nasik naikheno norogbo wanajaktwi wngnai.


Teibo kwtal kwtal juda juda tok swnamjakmato chwng jotono kisa misa saimanbaio, haiyada? Example... Poultry ni tok kufur. Aboni bahan machhaya le kebo tongwlak hai matongo. Abohai Hybreed tok juda juda rok "crossbreeding" khwlai swnamjagu.
Teibo tongo naidi »
By at No comments:
Labels:

April 14, 2018

"Bwrwi rog Akol Sitra ni bagwino Romphrejakbaio" -- Abo kubuida Atwi?

Khakwtal , Social
"Bwrwi rog Akol Sitra ni bagwino Romphrejakbaio" -- Abo kubuida Atwi?
Brwi rog romphre jakma koktwma bo khwnana selaka. Phiyaba tam khainai,, kubui kok rogno khwnayaibo tong maya, tongnabo kokya. Kwbangma brwi rog rape khaijak tongbaio, bwtharjak tongbaio. 


Oro khe rape mangda khailai tong?
Chini tiprasa brwi rogbo tabuk belaikhe rape khaijagwi bwtharjak tongma rog chwng nugwi tongo. Bahaikai hamlainai abo, belaino wanamasingja. Baksaba sao, brwi rog akol sitra ni bagwino rape khaijago hinwi. Brwi rog ri bwsa bwsa hot & sexy dresses nama bagwino chwla rog hit kajagwi tongwi maya rape khaijaktwi wngo hinwi hinlaio. Ayang brwi rog ni nokni bororog khe kaplaikoklai, yangkhai ulta salai pailaiya nanglai tongbaio, brwi rogni chaya ni bagwino brwi rog thwio hinwi. Hai wanamsingja.

Teibo tongo naidi »
By at 1 comment:
Labels: ,

March 3, 2018

BJP + IPFT Tripurao tabuk chini

Social ,
BJP + IPFT Tripurao tabuk chini
"BJP" jitikha,, "IPFT" jitikha,, hai hinlai tongthoklaijak kwbangma bororok,, Tiprasa rokbo tongthok laijak, wansa rokbo tongthok laijak, kwplai wngkha, kwplai wngkha hinwi tongthok laijak.
Ayango CPM khainai rogto kha khamlaijak no. Haipano kwbang bororok si tongthoklaijak hwngkaito Tripura haste gwnangwino tongthok laijak hinwi ma hinota. Fiyaba kaisa swngmumg joto tiprasa rogni bwkhao kwchajak,,, IPFT,BJP to jitikha, hai hinwi le tipralend madamanoba?
Teibo tongo naidi »
By at No comments:
Labels: