 |
| Hayung ni daledal TOkborok |
Nogorima Tokborok Dalbidal tongo. Hayung gwnangwi Nogo nogo tok rilaio hinpano abohai tok rog kaisa tekaisa bai belaikhe juda juda, abo Oro photo nasik naikheno norogbo wanajaktwi wngnai.
Teibo kwtal kwtal juda juda tok swnamjakmato chwng jotono kisa misa saimanbaio, haiyada? Example... Poultry ni tok kufur. Aboni bahan machhaya le kebo tongwlak hai matongo. Abohai Hybreed tok juda juda rok "crossbreeding" khwlai swnamjagu.
Nogorima Tokborok fano wngthun, Bolong ni Tomsa fano wngthun, eba Poultry ni jesa tok fano wngthun, abo jotono "G.gallus" (kaisa "species") hinwi hinjago. Abono "red_junglefowl" bo hino.
.
Bolong ni Tomsa tei Nogorima tok only one species ni hinwi romjago. Tangwi hwngke Tomsa bai Tokborok kaisa tekaisabai tongwi bwsa wngmano. Abohai wng manairog hwngke jeswkpano juda juda hai wngthun jotono Kaisa "species" hinwi hinjago.
.
Kaisa "species" ni bisingo fano belaikhe juda juda jat tongwi mano. Abono hino "Subspecies".
.
For example, Chwng je "Nogorima_Tokborok" hinlai tongma wngkha kaisa 'subspecies", tamni subspecies hwngke "Bolong_Tomsa" (G.gallus) ni kaisa "subspecies"; kaisa bedek jat.
.
Scientist rog sao, Tabuk ni bebak Tokborok himarog wngkha jotono agi bolongni " Tomsa" ni faimani.
Bolong ni Tomsa ni buma kaisani bwsa tongmani. Fiyaba Hani bororog 8000-10000 bisi swkang rogo puila tok Rina rwngkha, Bolongni Tomsa nogo pusina chengkha.
.
Afuru ni simino twrwk twrwk khe Nokni tok rog swlaijakna chengkha. Tangwi abo atwi wngkha hwngkai sana nang faio "artificial_selection" ni bagwi. Artificial selection tamno hin? Banglabai hino কৃত্রিম_নির্বাচন, Kokborok bai le saimanliya.
.
Artificial Selecton tamno hin?
"artificial_selection" wngkha ahai...
Nogorima malmata rina kwrwngrog eba muikwthwng kaina kwrwngrog Jotonisai kotokaham rogno simino taisa kaina bagwi bwchwlwi narwgo, kubuni hamya bwchwlwi rognokhe taisa kaina bagwi narwkya. Tok Rina kwrwng rokbo atwino, jotonisai Kotokaham eba bwkhani moto tokma tokwla rogno simino bwsa wngrina bagwi narwgo, kubuni bwkhani moto wngya tokma tokwla rognokhe rathar chai khibo, eba falwi rihoro. Ulokhe Bwkhani moto tokma tokwla rog simino bwsa bwtwi wngo, haike aborogni bwsa rogbo bwkhani moto kaham kaham wngo. Fiyaba joto le wngya. Abwino taisa hainohai bisi burum burum atwi khaimang tonglaio. Ulokhe Nok ni tok rog jotono bwkhani moto mamang saijaktwi wng thangbaio. Abono hino "artificial_selection".
.
Agi 8000_10000 bisi swkang rogo hani borok rog puila tok rina swrwnglaika hinwi sajago. Afuruni borok ni bwkhaobo Hamna musungma tongo, mana musungma tongo. Abwino Kotokaham Bwkhani moto tok(bolong ni tomsa) rokno simino jora kwbang kwthang Tonio. Fiyaba Bwkhani moto wngya rog, belai bolongo simino berai tongnai rok, hwngke bwkhani moto wngliya. Belai bolongo berainai tok rog kwmaifano thang mano, Siyal rokbai fano wathar chajak mano. Abwino bwkhani moto wngya tokma tokwla rog hwngke daktino rathar chai khipjago, Haike bwsa kwbang khainabo jora manya wng thangbaio.
Fiyaba Bwkhani moto rog hwngke.. Kotokaham, Toktwi kwbang twinai, bwsa kwbang banchinai, Bolongo simino jora kwbang tongya, nok gana gini tongnairog. Aborog hwngke Jora kwbang romwi kwthang tonijakha, dakti rathar chajakliya, haike bwsa kwbang wngnabo jora mankha. Abohai khaino Bwkhani moto Tokma tokwla ni bwsa rog simino Selection khaijaktwi wngwi faika, abo 10000 bisi swkangni simino atwi wngwi faika. Abwino Agi bolongni Tomsa tongmani tabuk Nokni tok wngwi thangka, abo ani kok ya, Scientist rokni kok si. Naidi... or click khai naidi.
.
Haike tabuk hayung gwnangwi dalbwswk Tok gilama wng thangka naidi wanamasingja. Nogorima Tokborok Dalbidal gilamano tongo. Hayung gwnangwi Tabuksak jotwi nogorima tokborok 300.ni swlai fano "breeds" kwbang tongo hinwi sajakgo. Naidi.. oro click khai naidi.
.
Paisukri porima bagwi hambai
.
plss command khaidi. Ani mohai kokrog bwswk kaham hamya sabaidi
No comments:
Post a Comment