April 14, 2018

"Bwrwi rog Akol Sitra ni bagwino Romphrejakbaio" -- Abo kubuida Atwi?

Brwi rog romphre jakma koktwma bo khwnana selaka. Phiyaba tam khainai,, kubui kok rogno khwnayaibo tong maya, tongnabo kokya. Kwbangma brwi rog rape khaijak tongbaio, bwtharjak tongbaio. 


Oro khe rape mangda khailai tong?
Chini tiprasa brwi rogbo tabuk belaikhe rape khaijagwi bwtharjak tongma rog chwng nugwi tongo. Bahaikai hamlainai abo, belaino wanamasingja. Baksaba sao, brwi rog akol sitra ni bagwino rape khaijago hinwi. Brwi rog ri bwsa bwsa hot & sexy dresses nama bagwino chwla rog hit kajagwi tongwi maya rape khaijaktwi wngo hinwi hinlaio. Ayang brwi rog ni nokni bororog khe kaplaikoklai, yangkhai ulta salai pailaiya nanglai tongbaio, brwi rogni chaya ni bagwino brwi rog thwio hinwi. Hai wanamsingja.

Ayang ah rape khainai kobor chwla rogno dakti dakti romna le salaiya ulta thwijanai brwinosi hinlai pailaiya gwja. Haike wansuk naila.. abo kubuida atwi? kubuida abo brwi rog hot & sexy ri kanma bagwi rape khaijak? kubuida abo brwi rog sindal waijama bagwi rape khai bwtharjak? kubuida aro ah rape khainai bai baksano rape khaijaknai brwinibo chaya kwbangma? Phaidi haike chwng kisa buji nailai siwanw.

Puila swkangno buji gradi rape tamno hin? tei sex khailaio hinma khe tamno hin? rape tei sex tamo pherlai. Kwlai kokbai sakhai ahai... chwla-brwi salai akonlai kwnwi gosilai tonglsima hwngke sex. Phiyaba, brwi phano chwla phano gosiyai hamjakma riyai tekto rioi romphre-buphre khe sex khaike abono hino rape. Haike oro buji naidi, rape hinmani abo borok kahamno phano rape khaitun, borok hamyano phano khaitun, rape is rape, aro tei mungsa sathai krwi, ah brwi kaham de, sinal de, sak phalnai de,,, abohai mungsa kok krwi, tangwi hwngke rape means buini manwi sekmani, buino khoti khaimani. Bo kisa ah brwi borok kaham phano wng tongthun, hamya phano wng tongthun, bo kisa jeswk phano sindal wng tongthun, bini permission nayai rompherkaino abo 'rape'. Tangwi hwngke, oh ha sakao jotonino sak musungtwi khe tongna odikar tongo. Abo chini indian constitution ni raidao tongo. Nwng bisi18 kajak hwngke jesa bai phano sex khailai tongdi abobai nono kebo illegal hinwi maya. Phiyaba hai hinphano nwng buino le tekto ri mangwlak, buini hamya khai mangwlak, nwng sex khaina khaiya abo nini musungtwi himahaino buibo sex khaina khaiya abo bini musungtwi. Nwng sex khai mano himahaino bui bo sex khaiyaibo tongwi mano. Nwng musungnai nonobo mana khaiya, phiyaba, je atwi gosiya roknobo nwng khamkano khaidi hin mangwlak, abosi kokkhai. Haike arono buji mana nango, Nwng jeswk sinal chuta rokbai phano rape khai mangwlak. Aswkno nwng nanggwi tongkhe salai akonlai gosilai, eba line rilai jesabo khaina nangnai, phiyaba rape le khai mangwlak. Aboni bagwino muitu narwkdi, bui rape khaijakma khwnabo ah rape khaijaknai no aswk hamya ta salai di.

Romdi, Nini nogo sikok hapka, kwbangma manwi khogwi twlangkha, tei nonobo bui kwlangkha. Phiyaba kamini bororog khe nonosi hinlai tongphaika,, buini nogo sikok habya nini nogo khe tangwi hap? Aboni ulokhe police phaika. Phiyaba ah police bo ah sikokno naitukya karwi ulta wngsai tongphaika,, nini akol hamya ni bagwino sikok phaio, bui jotono pun, tok rokno nok bisingo muthuo, nwngkhai tangwi tonok kaham tang maya wng? nini bagwino sikok akaro, hai hin tongphaika. Hwngkai wansuk naila.. abo chama kokda klaikha? Sikok rogno hamya hinya karwi ulta ah khokjaknai nokni brorok rognosi hinlaio, hwngkai abo chama kokda klai? Abohaino brwi rog rape khaijak phrubo chwng atwino hinlaio. Bui rape khaijakya ah brwi khe tangwi rape khaijak? Abohai kokrog salaio.

Aw, mo kokbo kubuino,, brwi rog hot & sexy dress kankhe chwlarog tungpla jakbaio. Phiyaba abo bai le rape khainabo musungna kok ya ta. Do kokba ah hot & sexy brwi rog bai tongna musungka, sak tangwi naina musungka, aboba sex khaina musungma si ble, aboto rape khaina musungma kok ya ble. For example, nwng bazaro thangka, chakothok gilama nukha, rosogulla, apple, angur, haike waisabai da je chana musungma saproi naha? Je salai akonlai rang rioi pai manma simisi pai tubuna ble? Aming sinjo choporopma hai ke choporop yana ble? Hwngkai jeswk brwi kaham hot and sexy nuk hinba tamni swi-aming rog haiba waisabaino choporopbwi rape khai tongnasa?

No comments:

Post a Comment