"BJP" jitikha,, "IPFT" jitikha,, hai hinlai tongthoklaijak kwbangma bororok,, Tiprasa rokbo tongthok laijak, wansa rokbo tongthok laijak, kwplai wngkha, kwplai wngkha hinwi tongthok laijak.
Ayango CPM khainai rogto kha khamlaijak no. Haipano kwbang bororok si tongthoklaijak hwngkaito Tripura haste gwnangwino tongthok laijak hinwi ma hinota. Fiyaba kaisa swngmumg joto tiprasa rogni bwkhao kwchajak,,, IPFT,BJP to jitikha, hai hinwi le tipralend madamanoba?
Agini mantri manik sarkar to samang samang thangka,, Tripura ba "sornojug" si wngwi thangka,, tei tam le develop nangsiba,, hai dandapinda,, yang le tiprasa rogni area kami amchai rogo bwswk si develop wngya wng tongbai, bigra rogni nogo APL hinwi swnamjak bwswksi kwbangma, nwngna twi kaham kwrwi, tongna nok kaham kwrwi wngwi bwswksi tekto khe matongbai, abosi Manik sarkar khe sai tonglaha,, Tripura ba Rangchakni jora si wng tongtikha hino,, hai nangnungya. Yang tiprasa mantri rogbo hainohai ADC area rogno general swnamkha, Bangladesh ni wansa hap tongkha hin salaima rognobo ultasi tatal hin salai thangbaika.
Fiyaba tabukhai ah CPM sarkar kwmakha, Manik sarkar komorkha, hai hinlai tongthoklaikha, Phiyaba lukurokni bwkhao swngmumg kasajak, tabukni BJP+IPFT hinba bwswkba kaham khaino? Je kaham khaina hin kok rimarokba bwswkba kubui wngno?
Aboto jesafano wngrathu, tabuk kok hwngke haise,, BJP+IPFT jitimabo fiyaba belaikheno wanamasingja hinwi ma hino, tamni himale mo jitima tekisa misa jitidorop ya, belaikhe kwbang achukthai twlangwi jitikha mo 2018 ni chongmaio, sana thangkai, BJP+IPFT rog phanosi aswk kwbang site mananw hin tongmaya, jitiwanw hinwito asalaijakno, haifano aswk kwbang wnganw hin wansuklaiya tongmani, fiyaba, belaikhe kaham kok, chini tirpasa rogni bagwibo belaikhe kaham kok, tamni himale, BJP+IPFT milioi chini tiprasa rogni bebak achukthai jitijak, abo kaisa belaikhe wansukna moto kok. Tiprasa rogni jotoi 20 achukthai, aro tabuk 19 achukthai jitijak. Teikaisa achukthaibo jitinaino hinwi ma hino, abwino tiprasa rogni bagwi total 20 site no jitijak hinwi hinlaio. Haike tabuk le chini tiprasa rogbo Mantri kotor kotor wng mansiwanw hinwi hinlaioo, abo chini tiprasa rogni bagwi belaikheno kaham wngnai hinlaio, belaikheno khatwngkhaja ni kok. Fiyaba bwskang ni jorao tamo wngno kebo saimaya. Norog le tamo hinbai?
No comments:
Post a Comment